الترجمة الحرفية مش كفاية
لو قلت «ترجم الملف ده»، هيطلع لك ترجمة صحيحة غالبا، بس مش بأسلوبك. ممكن يترجم مصطلح إنت متعود تسيبه بالإنجليزي، أو يكتب بفصحى وإنت عايز عامية بسيطة، أو يستخدم كلمة غير اللي جمهورك بيفهمها.
الحل إنك توريه الطريقة اللي إنت عايزها بأمثلة، قبل ما يترجم.
ورّيه أمثلة قبل وبعد
جهّز تلات أو أربع أمثلة: النص الأصلي، والترجمة اللي عاجباك. ممكن تكون ترجمات عملتها إنت قبل كده، أو ترجمات عجبتك. واطلب منه يحللها قبل أي ترجمة جديدة.
انسخ الطلب زي ما هو، أو خصّصه بتفاصيلك الأول.
خصّص الطلب على شغلكاختياري: اكتب تفاصيلك والطلب يتظبط لوحده
عرض الطلب كامل
ترجم وراجع
راجع القواعد والجدول وصحّح أي حاجة فهمها غلط. بعدها ارفع الملف الجديد واطلب الترجمة على نفس القواعد. ولو الملف Word، اطلب الملف مترجم بنفس التنسيق.
اقرا الترجمة بصوتك. لو جملة مش طبيعية، قول له مكانها والسبب، وضيف القاعدة للجدول.
حوّلها لمهارة
لما الطريقة تنجح، اطلب منه يحوّل القواعد والمصطلحات والأمثلة لمهارة (Skill). كل مرة تترجم بعد كده، المهارة بتتطبق لوحدها، فتطلع الترجمة بنفس الأسلوب من غير ما تشرح من الأول. طريقة عمل المهارة في شرح المشاريع والمهارات.
انسخ الطلب زي ما هو، أو خصّصه بتفاصيلك الأول.
خصّص الطلب على شغلكاختياري: اكتب تفاصيلك والطلب يتظبط لوحده
عرض الطلب كامل
جرّب دلوقتي
ترجم صفحة بأسلوبك
اختار تلات ترجمات عاجباك، وخلّيه يحللهم، وترجم صفحة جديدة. قارنها بترجمة عادية من غير أمثلة.