وقتك ضيق؟ ومحتاج حل يخص شغلك؟
خلّينا نختصر عليك الطريق.

د. محمود حرب

طبيب أسنان، وكاتب محتوى ومُنتج فيديوهات بالذكاء الاصطناعي.

أنا محمود، شغوف بالتعلّم، وبحب أنقل معرفتي وخبرتي للناس. أتمنى اللي بتعلمه يساعد غيري يبقى نسخة أحسن من نفسه، ويفتح له فرص يقدر يزوّد بيها مصادر دخله.

مفيش أجمل من إحساس إنك ساعدت ولو شخص واحد بمعلومة. وده اللي بيحمّسني أكمّل وأشرح، وأحاول أوصل لأكبر عدد أقدر أساعده.

الذكاء الاصطناعي جزء من يومي، وعندي فضول دايم لتطبيقاته واللي ممكن نعمله بيه. بستخدمه في كتابة المحتوى وإنتاج الفيديوهات، وبستعين بيه في تحضير محاضراتي وشرحها. وكل ما أجرّب حاجة مفيدة، بحب أشاركها معاكم.

بقالي ٤ سنين شغال في المجال، والحمد لله شاركت في كتابة محتوى وصناعة فيديوهات عدّت ١٦٠ مليون مشاهدة، والرقم بيزيد بفضل الله. التجارب اللي بمرّ بيها في شغلي هي جزء أساسي من اللي بشرحه، بتفاصيلها والحاجات اللي بتعلّمها منها.

Smarter With AI هي مساحتي الجميلة عشان أساعد الناس بكل اللي أقدر عليه. اتخرج معانا أكتر من ٣٠٠ طالب من تخصصات مختلفة، وكورساتي واستشاراتي محاولات مستمرة إني أشارك خبرتي في حاجة تنفعك إنت.

بابي مفتوح دايمًا لأي حد، حتى لو مش مشترك في أي حاجة مدفوعة بقدمها. وفكرة إنك تتوسّم فيّا الخير وتشوف إني ممكن أساعدك، دي بالنسبالي حاجة كبيرة وأتمنى أكون قدها.