Detailed ولا Presenter؟
Gemini Notebook تقدر تاخد Source أو مجموعة Sources وتعمل منها Presentation. أول قرار مهم هو نوع العرض، لأنه مرتبط بإنت هتستخدمه إزاي:
- Detailed: كتابة وتفاصيل أكتر جوه الشرائح، مناسب لو هتبعت العرض لحد يقراه لوحده.
- Presenter: عنوان ونقط تساعدك وإنت بتشرح، من غير ما السلايد تتحول لصفحة مكتوبة.
بعد كده تحدد اللغة والطول والمصادر. لو إنت منظم شغلك بالـLabels، اختار المجموعة كلها مرة واحدة بدل ما تحدد الملفات ملف ملف.
عرض حلو ولا عرض بهويتك؟
لو محتاج نتيجة مناسبة وسريعة، اوصف الألوان والجمهور والجو العام: رسمي ولا خفيف، تعليمي ولا تسويقي. لكن لو عندك هوية بصرية أو Reference عاجبك، يبقى محتاج توصّل شكله للأداة بدقة أكتر.
ارفع المرجع لـGemini أو ChatGPT واطلب منه يحلل توزيع العناصر والألوان والخطوط والخلفيات وطريقة استخدام الصور. خُد الوصف واستخدمه في Gemini Notebook.
ولو العرض عربي، أكّد إن اتجاه الكتابة والتصميم من اليمين للشمال، لأن وصف المرجع ممكن يطلع مبني على Layout إنجليزي.
ده مثال جاهز. انسخه زي ما هو، أو عدّل النص على شغلك.
عرض الطلب كامل
المحتوى الأول، وبعد كده التصميم
لو اخترت عشرة Sources وضغطت Slide Deck على طول، Gemini Notebook لازم يقرر بنفسه عدد الشرائح وإيه اللي يتحط في كل واحدة. لو كررت العملية، ممكن مرة يطلع 15 Slide ومرة 10، ومرة يركز على جزء مختلف.
في العرض المهم، قسم الشغل على خطوتين. جهّز محتوى الشرائح الأول: الشريحة الأولى مقدمة، التانية تتكلم عن كذا، والتالتة تعرض المثال الفلاني.
راجع الترتيب، شيل التكرار، زوّد المثال الناقص، وعدّل الشريحة المحشورة. تقدر تعمل ده في Chat جوه النوت بوك أو بأي أداة مرتاح معاها.
لما المحتوى يستقر، احفظ النسخة النهائية كمصدر واطلب Slide Deck من المصدر ده. ساعتها ممكن الشكل يتغير من محاولة للتانية، لكن هيكل المحتوى يفضل تحت سيطرتك.
إنك تطلع عرض شكله حلو مرة سهل، لكن إنك تطلع نفس المستوى كل مرة محتاج Workflow واضح.
نفس الميزة تنفع Carousel
Slide Deck مش بس للـPresentation التقليدية. لو عايز سلسلة تصميمات طولية للسوشيال ميديا، اكتب في وصف التصميم إن المقاس 9:16 Vertical، وحدد وظيفة كل شريحة. نفس الأداة تقدر تطلع عرض للشاشة أو Carousel للموبايل حسب المقاس والاستخدام.
بس متقسمش فقرة طويلة على صور وتسميها Carousel. كل شريحة لازم يكون لها دور: غلاف، فكرة، مثال، مقارنة، خطوة، أو خلاصة. وهنا برضه، تحضير المحتوى الأول أهم من الشكل.
الشرائح بتتولد كصور
كل Slide بتطلع كتصميم كامل، مش PowerPoint تقليدي كل Text Box فيه منفصل. عشان كده التعديل بيكون عن طريق Revise: تحدد الشريحة وتطلب تغيير الخلفية أو النص أو الصورة أو عنصر معين، وتعمل Generate Revise.
تقدر تمسح شريحة، تغير ترتيب الشرائح، أو تحفظ Slide عجبتك كصورة. ولو محتاج تعديل يدوي أوسع بعد كده، تقدر تكمل في Canva.
المهم تراجع كل شريحة، لأن جودة التصميم مش بتضمن إن كل كتابة أو معلومة جوه الصورة صح.
حوّل المصادر لـInfographic
الـInfographic بيعيد ترتيب المعلومات في شكل بصري. قبل ما تولّده، اختار الإعدادات اللي تناسب المكان اللي هتستخدمه فيه:
- اللغة: لغة النص جوه التصميم.
- Orientation: Square أو Portrait أو Landscape.
- Style: زي Sketch أو Anime أو Auto Select، حسب الاختيارات المتاحة.
- Level of Detail: بسيط أو Balanced أو Detailed.
- المصادر: Source أو مجموعة أو Label مرتبطة بالموضوع.
التفاصيل الكتير مش دايما أحسن. لما تحط Text طويل جوه صورة، احتمال إن الكلمات تتشوه بيزيد، والتصميم نفسه بيبقى زحمة. لو الهدف مراجعة سريعة، مستوى بسيط أو متوسط غالبا هيكون أوضح.
اوصف الشكل اللي عايزه
لو في Infographic عاجبك، حلّله بنفس طريقة العرض: الألوان، الخلفية، ترتيب الأقسام، الأيقونات، أسلوب الرسوم والعناوين. استخدم الوصف في Custom Prompt عشان تقرّب النتيجة من اللي في دماغك. المرجع بيوضح الاتجاه، لكن المحتوى يفضل محتواك والتصميم النهائي محتاج مراجعتك.
الـInfographic مفيد جدا كـVisual Summary بعد المحاضرة، أو لعرض Workflow أو مقارنة أو أجزاء مربوطة ببعض. المدرس يقدر يطلّع للطالب ملخص بصري، وصانع الكورس يقدر يرفق مع كل Lecture تصميم يرجع له المتعلم وقت المراجعة.
راجع الشكل والمعلومة
- حدد Topic واحد، والجمهور، وهتستخدمه فين.
- اختار المصادر المرتبطة بيه فعلا.
- جهّز المحتوى لو الدقة والترتيب مهمين.
- حدد المقاس والاتجاه والـStyle.
- راجع العربي والأرقام والمعلومة بعد ما التصميم يطلع.
- استخدم Revise لتعديل واضح ومحدد في كل مرة.
- صدّر النسخة المناسبة للمكان اللي هتستخدمها فيه.
اعمل عرض وInfographic لنفس الموضوع
- اختار Topic واحد من مصادر النوت بوك.
- حضّر محتوى عرض من 6 لـ8 شرائح وراجعه قبل التصميم.
- اعمل Slide Deck من المحتوى النهائي، وعدّل شريحة واحدة باستخدام Revise.
- اعمل Infographic يلخص نفس الموضوع بمستوى تفاصيل متوسط.
- راجع النص والمعلومة وحدد أنهي مخرج أنسب لكل استخدام.
المحاضرة الجاية هنشوف Reports العادية والتفاعلية، وإزاي نفس المصادر تتحول من تقرير مكتوب لرحلة فيها أكتر من نوع محتوى.
