الامتحان بيبدأ من الدرس
«اعمل امتحان عن الكسور» هيطلع لك أسئلة، بس ممكن تكون من منهج تاني، أو أصعب من طلبتك، أو كلها حفظ. ارفع الدرس اللي شرحته، وقول المستوى وعدد الأسئلة وأنواعها.
نوّع الأسئلة
الامتحان الكويس فيه أسئلة تقيس الحفظ، وأسئلة تقيس الفهم، وأسئلة تطبيق على موقف جديد. قول له النسبة اللي عايزها، مثلا: 30% تذكّر، و40% فهم، و30% تطبيق.
انسخ الطلب زي ما هو، أو خصّصه بتفاصيلك الأول.
خصّص الطلب على شغلكاختياري: اكتب تفاصيلك والطلب يتظبط لوحده
عرض الطلب كامل
نسختين وبنك أسئلة
اطلب نسخة تانية بنفس المستوى وأسئلة مختلفة، عشان الطلبة اللي جنب بعض. ولو بتدرّس نفس المنهج كل سنة، اطلب بنك أسئلة كبير لكل درس في شيت، فيه السؤال والإجابة والمستوى ورقم الصفحة.
معايير تصحيح الأسئلة المقالية
للأسئلة المقالية، اطلب معايير تصحيح واضحة: إيه اللي يستاهل الدرجة كاملة، وإيه اللي ياخد نصها. كده التصحيح بيبقى أعدل، وأسهل لو حد تاني بيصحح معاك.
لو إنت اللي داخل الامتحان
نفس الفكرة تنفع للطالب، ولدكتور بيذاكر للزمالة، ولموظف داخل امتحان شهادة. ارفع المحاضرات أو المرجع، ومعاها امتحانات السنين اللي فاتت كمرجع للشكل بس، واطلب امتحان تجريبي بنفس الشكل والوقت. حلّه لوحدك، وبعدين ابعت إجاباتك واطلب يصحّح ويقولك تراجع إيه.
انسخ الطلب زي ما هو، أو خصّصه بتفاصيلك الأول.
خصّص الطلب على شغلكاختياري: اكتب تفاصيلك والطلب يتظبط لوحده
عرض الطلب كامل
حوّله لامتحان أونلاين
عايز الطلبة يحلوا على الموبايل؟ اطلب الأسئلة بصيغة جاهزة لـGoogle Forms، أو حوّلها للعبة من شرح الألعاب التعليمية. وفي Gemini Notebook تقدر تعمل Quiz من المصادر مباشرة.
امتحان ونسخة تانية
ارفع درس واحد، واعمل امتحان 10 أسئلة بنموذج إجابة، ونسخة تانية. حل النسختين بنفسك.