ليه لعبة؟
الطالب ممكن يقرا نفس الصفحة خمس مرات وينساها، بس لو عاشها كرحلة، أو جاوب عشان يعدّي محطة، أو خسر محاولة وبدأ من الأول، المعلومة بتثبت بشكل مختلف.
والجديد إنك مش محتاج تبقى مبرمج عشان تعمل كده. دي رحلة: إنت بتعمل الجزء اللي عليك، يعني الفكرة والمحتوى والتعديلات، والذكاء الاصطناعي يعمل الجزء الصعب، يعني الكود، ويفضل ينفذ تعديلاتك لحد ما توصل لنتيجة ترضيك.
ألعاب عملها طلاب الدبلومة
- Present Simple: جزر ومحطات، الطالب يسمع الجملة ويختار الصح، ويجمع نجوم وبونص عشان يفتح جزيرة جديدة.
- تعلم التركي: رحلة لإسطنبول، وفي كل موقف حقيقي يختار الضمير الصح.
- أحكام التجويد: تذكير سريع بالحكم، وبعدها مغامرة يميّز فيها الحكم في الآيات، ونسخة لغير الناطقين بالعربي.
- النحو: مركبة بمدفعين، واحد للاسم الصحيح الآخر والتاني للمعتل الآخر. الكلمة تنزل، والطالب يختار المدفع الصح.
اللي مشترك بين الأمثلة دي إن كل واحد بدأ من درس حقيقي بيشرحه، وفكرة لعبة تناسب طلابه.
أفضل الأدوات للألعاب
- Gemini (Canvas): فعّل Canvas من علامة (+)، وهتشوف اللعبة شغالة وتفتحها Full screen. وتقدر ترفع المحتوى من جهازك أو من Drive أو من Gemini Notebook.
- Google AI Studio: بتعمل تطبيق جديد، فتلاقي الطلب على جنب واللعبة على الجنب التاني، وبيقترح عليك أكتر من شكل للواجهة.
- Claude: تصميمه قوي من أول مرة، وتقدر تعلّق على جزء معين في اللعبة وتطلب تعديله هو بس.
- ChatGPT: بيصمم بنفس الطريقة، وفي الخطط المدفوعة بيقدر كمان يستضيف اللعبة عنده برابط.
- Canva AI: توصف اللعبة، وتنشرها برابط لايف من جوه Canva.
اختار حسب اشتراكك. واستخدم أقوى موديل متاح لك، زي Pro أو التفكير الممتد، لأن الموديل الأضعف بيعمل أخطاء أكتر في الكود.
3 طرق تبدأ بيها
- توصف اللي في دماغك: فكرة اللعبة، ولمين، وشكلها، والمحتوى.
- تقول الفكرة وتخليه يسألك: «دي الفكرة اللي في دماغي، اسألني كل الأسئلة اللي محتاجها عشان تصممها».
- تستخدم مهارة متخصصة في الألعاب: بتسألك وتمشي على خطوات ثابتة بتطلّع نتيجة أحسن من أول مرة.
وفي الحالات التلاتة، ارفع حاجتين: المحتوى (المحاضرة أو الملف)، ومرجع للشكل لو في لعبة عجبتك، صورة أو تسجيل شاشة.
طلب أول نسخة من اللعبة
انسخ الطلب زي ما هو، أو خصّصه بتفاصيلك الأول.
خصّص الطلب على شغلكاختياري: اكتب تفاصيلك والطلب يتظبط لوحده
عرض الطلب كامل
من محاضرة للعبة في إيد طلابك
- اختار درس واحد طلابك بيلاقوا فيه صعوبة.
- فكّر في فكرة لعبة تناسب سنهم: رحلة، أو محطات، أو تحدي بوقت.
- ارفع المحتوى ومرجع للشكل واطلب أول نسخة بموديل قوي.
- العبها بنفسك وعدّل لحد ما تبقى واضحة وممتعة.
- جرّبها على الموبايل وشاركها مع مجموعة صغيرة الأول، وخد رأيهم.