ابدأ بحاجة محتاج تخلصها
أول مرة تفتح ChatGPT، سهل تسأله أسئلة عامة وتقفل من غير ما تطلع بحاجة. الأحسن تدخل ومعاك مهمة حقيقية من شغلك.
هنمشي بمثال يناسب أي حد: معاك ملف PDF طويل، Guideline جديد، أو سياسة شغل، أو ملزمة، وعايز منه ملخص صفحتين في ملف Word، وجدول بالحاجات اللي اتغيرت عن النسخة القديمة.
افتح ChatGPT ↗ وسجّل دخول. المزايا بتزيد مع الاشتراك المدفوع، بس كل اللي هنا تقدر تجربه.
Chat ولا Work؟
فوق خانة الكتابة هتلاقي وضعين: Chat وWork.
Chat للكلام والتفكير: تسأل، تفهم، تكتب مسودة، وتعدّل معاه سطر سطر. لو عايز تفهم فكرة، أو تكتب رسالة قصيرة، ده مكانك.
Work لما يكون عندك مهمة ليها ناتج: ملف Word أو شيت أو عرض أو موقع، ومحتاجة كذا خطوة. بتسلّمه المهمة، وهو يقرأ الملفات ويشتغل، وإنت تتابع اللي بيعمله وتتدخل لو حاجة مش مظبوطة.
| المهمة | الوضع المناسب |
|---|---|
| اشرح لي الفقرة دي بكلام بسيط | Chat |
| اكتب رد قصير على إيميل عميل | Chat |
| من الملف ده جهّز ملخص في ملف Word | Work |
| من صور الفواتير اعمل شيت فيه المبالغ والتواريخ | Work |
مش لازم تحفظ الجدول. لو المهمة آخرها ملف هتفتحه، جرّب Work. لو آخرها كلام هتقراه، Chat كفاية.
ارفع ملفاتك وقول دور كل ملف
من علامة (+) جنب خانة الكتابة ترفع ملف من جهازك أو من Google Drive. ولو رفعت أكتر من ملف، قول له دور كل ملف. لو رفعت النسخة الجديدة والقديمة من غير توضيح، ممكن يخلط بينهم.
في مثالنا: النسخة الجديدة هي المصدر، والقديمة للمقارنة بس.
انسخ الطلب زي ما هو، أو خصّصه بتفاصيلك الأول.
خصّص الطلب على شغلكاختياري: اكتب تفاصيلك والطلب يتظبط لوحده
عرض الطلب كامل
الأدوات اللي جوه علامة (+)
نفس علامة (+) فيها أدوات بتغيّر نوع الشغل:
- رفع ملفات: PDF وWord وصور وشيتات.
- Deep Research: بحث على مواقع كتير وتقرير بالمصادر. شرحناه بالتفصيل في شرح البحث.
- إنشاء صورة: صورة توضيحية أو غلاف. شوف شرح الصور.
- التطبيقات المتوصلة: زي Google Drive وGmail، عشان يجيب الملف من مكانه بدل ما ترفعه.
لو مش متأكد تختار إيه، اكتب طلبك عادي. في أغلب الأحوال هيختار هو الأداة المناسبة.
افتح النتيجة واطلب تعديل محدد
لما الملف يخلص، افتحه بنفسك. قارن عينة من النقط بالملف الأصلي، واتأكد إن أرقام الصفحات صح.
وبعدين اطلب التعديل بالظبط. «مش عاجبني» مش هتوصله حاجة، لكن «النقطة 4 مش موجودة في الملف، شيلها» أو «الملخص طويل، خليه صفحة واحدة» هتوصل من أول مرة.
انسخ الطلب زي ما هو، أو خصّصه بتفاصيلك الأول.
خصّص الطلب على شغلكاختياري: اكتب تفاصيلك والطلب يتظبط لوحده
عرض الطلب كامل
لو الشغل ده بيتكرر
- Projects: مساحة لكل شغل أو عميل أو مادة، فيها الملفات والتعليمات الثابتة. كل محادثة جوه المشروع بتبدأ وهي عارفة شغلك.
- المهارات (Skills): طريقة شغل نجحت معاك، زي طريقتك في التلخيص، تتحفظ وتستخدمها في أي وقت. الفرق بينها وبين المشاريع في شرح المشاريع والمهارات.
- المهام المجدولة (Scheduled actions): مهمة تشتغل لوحدها في ميعادها، زي ملخص أخبار مجالك كل أحد. شوف شرح الجدولة.
جرّب دلوقتي
لخّص ملف من شغلك
ارفع ملف طويل بتحتاجه في شغلك أو مذاكرتك، واستخدم الطلب اللي فوق في وضع Work. افتح الملف اللي طلع، وراجع خمس نقط على الأصل، واطلب تعديل واحد محدد.