فكرتك تستاهل تتعمل كويس.
اتعلم تطلعها بالشكل اللي في دماغك.

كل صورة أو فيديو ليه وظيفة. نحددها الأول عشان ما نضيعش وقت في إنتاج حلو لكنه مش بيقول حاجة.

• تحدد الجمهور والهدف والمنصة وشكل المحتوى.
• تطلع زوايا للفكرة وتختار الأنسب بدل أول اقتراح.
• تكتب بداية تشد، ورسالة واضحة، وخطوة تطلبها من المشاهد.
• تحول نفس الفكرة لمنشور أو اسكريبت قصير مع الحفاظ على أسلوبك.

الصورة اللي عجبتك مش مجرد حاجة تقلدها؛ ممكن تتعلم منها ليه النتيجة طلعت بالشكل ده.

• تجمع مراجع تناسب مشروعك وتحدد اللي عاجبك في كل مرجع.
• تفهم تكوين الصورة والإضاءة والألوان وزاوية التصوير.
• تفرق بين مرجع للشخصية ومرجع للمكان ومرجع للأسلوب.
• تحول الملاحظات لتوجيه واضح من غير نسخ هوية الآخرين.

نتعلم نتحكم في اللي محتاجينه بدل ما نعتمد على الحظ.

• تكتب وصف يحدد الموضوع والمكان والتكوين والإضاءة والمقاس.
• تستخدم صورة مرجعية أو تعدل صورة موجودة.
• تجهز صور لشخصية أو منتج من زوايا مختلفة لتستخدمها في المشاهد.
• تراجع التفاصيل والنصوص والتشوهات وتطلب تعديلات محددة.

الصورة الخام مش دايمًا تصميم جاهز للنشر. هنا بنكمّلها.

• تعدل الصور والخلفيات وتنسق النصوص والعناصر.
• تختار ألوان وخطوط وتوزيع واضح للمحتوى.
• تحول المادة لمنشور أو شرائح متتابعة أو إنفوجرافيك.
• تجهز المقاسات ونسخ التصدير المناسبة للمنصة.

قبل ما تولّد أي لقطة، اعرف هتدخل فين وهتوصل لإيه.

• تحول الاسكريبت لمشاهد، وتحدد وظيفة ومدة كل مشهد.
• تجهز لوحة مشاهد مصورة توضّح تسلسل الفيديو.
• تثبت مراجع الشخصية والمنتج والمكان.
• تحدد ما يظهر في الصورة وما يتقال في الصوت عشان يكملوا بعض.

هنشوف إزاي توجّه الحركة وتتعامل مع النتيجة لما تختلف عن اللي طلبته.

• تبدأ من نص أو صورة، أو تحدد صورة البداية والنهاية حسب الأداة.
• توصف حركة الشخصية والكاميرا وتوقيت الأحداث.
• تستخدم المراجع لتقليل تغير الوجوه والمنتجات بين اللقطات.
• تقارن بين النتائج وتعرف إمتى تعيد المشهد وإمتى تعدل الخطة.
• تطبق على إعلان أو شرح تعليمي أو تحريك منتج وشعار.

صوت هادي للشرح غير صوت إعلان حماسي. هنختار الأداء اللي يخدم المعنى.

• تجهز نصًا مناسبًا للنطق وتحدد اللهجة والسرعة والمشاعر.
• تختار صوت أو تصمم صوت، وتتعرف على استنساخ صوتك أو صوت بإذن صاحبه.
• تضبط نطق الكلمات، ومنها تشكيل الحروف المهمة عند الحاجة.
• تتعرف على تغيير الصوت وتنقيته والدبلجة ومزامنة حركة الشفاه حسب الأداة.
• تطبق على تعليق صوتي أو قصة أو حوار أو بودكاست.

هنجمع الشغل ونضبط الإيقاع، عشان الانتقال بين المشاهد يحسسك إنها حكاية واحدة.

• ترتب المقاطع وتضبط بدايتها ونهايتها والانتقالات.
• تضيف التعليق الصوتي والموسيقى والمؤثرات بحقوق استخدام مناسبة.
• تضبط مستويات الصوت والكابشن والعناصر المكتوبة.
• تراجع استمرارية الشخصية والمكان والإضاءة، والأخطاء البصرية.
• تصدّر النسخة المناسبة وتراجعها كاملة قبل النشر.

بدل ما تشرح طريقتك كل مرة، جهّز مساعد يعرف الأسلوب والخطوات اللي محتاجها.

• تضيف أمثلة من محتواك ونبرة البراند وطريقة الكتابة لكل منصة.
• تبني تعليمات متكررة للأفكار والاسكريبت وتوجيه الصور والفيديو.
• تفرق بين التعليمات وملفات المعرفة والمراجع.
• تختبر المساعد وتطوره بناءً على النتائج.