Audio Overview مش شكل واحد
الـAudio Overview بياخد المصادر المختارة ويعمل منها محتوى صوتي، لكن قبل ما تضغط Generate اختار شكل الحلقة حسب الطريقة اللي هتسمع بيها المحتوى.
- Deep Dive: شخصين بيتناقشوا في الموضوع بالتفصيل، مناسب لما تحتاج فهم أوسع مش مجرد نقاط سريعة.
- Brief: شخص واحد بيقدم ملخص أقصر، مفيد للمراجعة السريعة أو إنك تعرف الفكرة العامة.
- Critique: نقاش بينقد الأفكار والحجج اللي في المصادر.
- وجهات نظر: بيعرض الموضوع من أكتر من زاوية، والحوار يفضل مربوط بالمصادر.
الاختيارات ممكن تتغير أو تزيد مع تحديثات Google، لكن السؤال اللي بيفضل ثابت: إنت عايز تسمع المحتوى في صورة ملخص، نقاش، نقد، ولا مقارنة؟
ظبط الحلقة على جمهورك
حدد اللغة والطول، وبعدها اختار Source أو مجموعة Sources أو Label كاملة. إن عندك 40 مصدر في النوت بوك مش معناه إن الحلقة لازم تتكلم عنهم كلهم. لو هدفك مراجعة محاضرة، اختار المصادر بتاعتها بس.
الأهم إنك تقول للحلقة تركز على إيه ولمين. ممكن يكون عندك محتوى كبير عن صناعة المحتوى، وعايز الحلقة تشرح إنشاء الصور لمعلمي اللغة العربية. أو عندك كتاب علوم بالإنجليزي وعايز النقاش يناسب طلبة مدارس لغات ويستخدم المصطلحات العلمية بالإنجليزي. تحديد الموضوع والجمهور بيغيّر مستوى الشرح والأمثلة وطريقة الحوار.
انسخ الطلب زي ما هو، أو خصّصه بتفاصيلك الأول.
خصّص الطلب على شغلكاختياري: اكتب تفاصيلك والطلب يتظبط لوحده
عرض الطلب كامل
مش لازم تستنى الحلقة تخلص
Generate Now بيبدأ الشغل فورا. لو حدود الاستخدام خلصت ومش مستعجل، Generate Later بيحفظ الطلب ويبدأ لما الحد يتجدد بدل ما تفتكر ترجع تعمله من جديد.
بعد ما الحلقة تخلص، تقدر تسمعها من جوه النوت بوك، تغير سرعة التشغيل، تحمل الملف، أو تشارك الحلقة نفسها من غير ما تشارك النوت بوك كلها.
ولو عندك أكتر من Audio Overview، استخدم Add to Queue عشان تسمعهم ورا بعض في المواصلات أو وإنت ماشي.
ومن View Prompt and Sources تقدر ترجع تعرف الحلقة اتعملت من أنهي مصادر وبأي تعليمات.
لو النتيجة قريبة لكن محتاجة تغيير، Retry بيرجع لك نفس الإعدادات وتعدل فيها الجمهور أو الطول أو الزاوية اللي بتركز عليها بدل ما تبدأ من الصفر.
ادخل في الحلقة واسأل
في التجارب واللغات اللي بتدعمه، Interactive Mode بيخليك تدخل بصوتك وإنت بتسمع الـDeep Dive وتسأل الشخصين اللي بيتكلموا. بدل بودكاست ثابت، تبقى جزء من الحوار: توقف عند نقطة، تسأل عنها، وتسمع الرد وإنت جوه الحلقة.
الميزة دي واللغات اللي بتدعمها ممكن يتغيروا، فلو مش لاقيها عندك أو مش بتدعم العربي وقت ما تطبق، ده معناه إنها مش متاحة عندك، مش إنك غلطت في الخطوات.
اختار شكل الفيديو المناسب
| الـFormat | شكله | يناسب إيه؟ |
|---|---|---|
| Short | فيديو طولي قصير، Voice Over ومعاه Text وVisuals | Topic واحد، Shorts أو Reels، ومعلومة سريعة |
| Explainer | شرح صوتي مع Slides أو عناصر بصرية تتغير مع الكلام | التعليم وسلاسل الشرح المنظمة |
| Cinematic | مشاهد وتصميمات وحركة أقرب للـMotion Graphics | الأفكار اللي محتاجة تتحكي بالصورة بشكل أقوى |
نفس المصدر ينفع يطلع منه أكتر من شكل. محاضرة طويلة تتحول لـShort عن نقطة واحدة، وExplainer يشرح فكرة كاملة، وCinematic يقدم نفس المحتوى في شكل أقرب لقصة.
وجّه الفيديو بتعليمات واضحة
في الـExplainer تقدر تكتب Intro وOutro ثابتين لو بتعمل Series، وتحدد الجمهور وطريقة الكلام. ممكن كل فيديو يبدأ بجملة تعريفية واحدة وينتهي بدعوة واضحة، فيحس المشاهد إن الحلقات مكملة لبعض بدل ما كل فيديو يطلع بروح مختلفة.
اختار Visual Style جاهز أو استخدم Custom لو عندك اتجاه واضح. ولو شفت فيديو عاجبك من ناحية الحركة أو الإيقاع أو شكل العناصر، ارفعه لـGemini واطلب تحليل بصري مفصل للستايل، وبعدها استخدم الوصف عشان توجه بيه الـVideo Overview. المرجع هنا بيساعدك توصل للشكل، مش تنسخ محتوى حد.
افتكر كمان إعداد Remove Watermark لو المخرج والخطة بيدعموه. ولو الفيديو مهم وهتستخدمه، ادخل على التخصيص وحدد:
- المصادر اللي محتاجها بس.
- اللغة والجمهور ومستواه.
- الموضوع الأساسي، وإيه اللي يتجاهله.
- الـFormat والـVisual Style.
- جملة البداية والنهاية لو عندك سلسلة.
بودكاست ولا فيديو؟
Audio Overview مناسب لما تحب تستفيد من المحتوى وإنت بعيد عن الشاشة. Brief للمراجعة السريعة وDeep Dive للفهم والنقاش.
أما Video Overview فأنسب لما الصورة نفسها هتساعد في الشرح أو لما عايز تشارك المحتوى بصري.
مفيش مخرج أحسن من التاني في كل الأحوال. اسأل: الشخص هيستخدم المحتوى فين؟ محتاج يسمع ولا يشوف؟ عايز Topic صغير ولا شرح كامل؟ الإجابات دي هي اللي تختار لك المخرج.
اعمل مخرجين من نفس المصدر
- اختار محاضرة أو فصل واحد ومجموعة مصادر مرتبطة بيه.
- اعمل Brief صوتي للمراجعة السريعة وحدد الجمهور.
- من نفس المصادر، اعمل Short أو Explainer عن نقطة واحدة.
- قارن: إيه اللي نجح في الصوت وإيه اللي احتاج صورة؟
- افتح View Prompt and Sources واحتفظ بالتوجيه اللي طلع أحسن نتيجة.
المحاضرة الجاية هنستخدم نفس المصادر للمراجعة والاختبار عن طريق Quiz وFlashcards.
