الأداة اللي ناقصاك تقدر تعملها
زمان لو احتجت أداة مش موجودة، كنت بتدوّر على برنامج قريب منها، أو تدفع اشتراك في حاجة بتستخدم جزء صغير منها. دلوقتي كفاية يبقى عندك الفكرة، أو أداة شبه اللي عايزه تاخد منها، والذكاء الاصطناعي يكتب الكود.
محمود مثلا كان محتاج يسجّل اجتماعات وفيديوهات طول الوقت، وأغلب الإضافات فيها تجربة مجانية وبعدها اشتراك. فعمل إضافة متصفح خاصة بيه بيستخدمها كل يوم، وبعدها عمل إضافات تانية، زي إضافة لتحميل الصور والفيديوهات.
أدوات تقدر تعملها
| نوع الأداة | أمثلة | تبنيها فين |
|---|---|---|
| إضافة متصفح | تسجيل الشاشة والاجتماعات، وتحميل الصور من صفحة، وزرار يلخّص الصفحة. | Claude أو ChatGPT يكتبوا الملفات، وClaude Code أو Codex لو هتطوّرها. |
| تطبيق لطلبتك أو عملائك | تطبيق يسمعوا منه المحاضرات، أو يحجزوا منه، أو يتابعوا منه شغلهم. | Lovable أو Google AI Studio. |
| تطبيق لحياتك | العادات، والمصاريف، ومواعيد الصلاة. | Lovable أو Gemini Canvas. |
| نسخة على مقاسك من سيستم شغلك | سيستم عيادة أو حجوزات فيه اللي إنت بتستخدمه بس. | Lovable بقاعدة بيانات. |
التفاصيل العامة للبناء والتعديل في شرح بناء المواقع والتطبيقات.
إضافة متصفح خطوة بخطوة
- اوصف الإضافة: بتعمل إيه، والزرار فين، والنتيجة بتتحفظ فين.
- اطلب ملفات إضافة Chrome كاملة، وحطها في فولدر واحد.
- افتح chrome://extensions، وشغّل Developer mode، ودوس Load unpacked واختار الفولدر.
- جرّبها. ولو طلع خطأ، انسخ رسالته من نفس الصفحة وابعتها له.
انسخ الطلب زي ما هو، أو خصّصه بتفاصيلك الأول.
خصّص الطلب على شغلكاختياري: اكتب تفاصيلك والطلب يتظبط لوحده
عرض الطلب كامل
تطبيق لطلبتك أو لحياتك
في Lovable توصف التطبيق، فيبنيه بتسجيل دخول وقاعدة بيانات، ويتفتح من الموبايل، وتقدر تحط اختصار له على الشاشة الرئيسية. مثلا تطبيق لطلبتك: كل محاضرة ليها صفحة فيها التسجيل والملخص، والطالب يعلّم على اللي خلّصه.
انسخ الطلب زي ما هو، أو خصّصه بتفاصيلك الأول.
خصّص الطلب على شغلكاختياري: اكتب تفاصيلك والطلب يتظبط لوحده
عرض الطلب كامل
سجّل الشاشة بدل ما توصف
أسهل طريقة توصّل بيها اللي في دماغك: سجّل شاشتك وإنت بتستخدم البرنامج أو الموقع اللي عاجبك، أو وإنت بتعمل خطوات شغلك، وارفع الفيديو في Gemini أو ChatGPT أو Claude. اطلب منه يكتب وصف الأداة الأول، وراجعه، وبعدين ابني.
ولو مسطّب تطبيق Claude أو ChatGPT على جهازك، وضع التنفيذ (Cowork أو Work) يقدر يوصل لجهازك، فيبني الأداة ويشغّلها ويجربها بنفسه. ده بيفرق جدا في الإضافات والبلجنز، زي اللي بيعملها المونتيرين لبرامجهم.
نسخة على مقاسك من برنامج بتستخدمه
لو إنت دكتور وعندك سيستم عيادة فيه حاجات كتير مش بتستخدمها، وحاجات ناقصاك، صوّر الشاشات اللي بتشتغل عليها، واكتب خطوات يومك عليه والحاجات الناقصة. اطلب منه يحللهم ويقترح نسخة أبسط على مقاس شغلك، وبعدين ابنيها.
ونفس الفكرة لو عندك أداة عاجباك: ابعت صورها، وقول «زيها بس بالعربي، وفيها زرار يحفظ على Drive».
جرّب دلوقتي
أول أداة ليك
فكّر في حاجة بتدفع اشتراك فيها وبتستخدم جزء صغير منها، أو حاجة بتعملها بإيدك كل يوم. اوصفها في 5 سطور، وابني أول نسخة، واستخدمها أسبوع قبل ما تزوّد عليها.