شريك بحث، مش كاتب بدالك
الرسالة بتاخد شهور: موضوع، ومراجع، وقراءة، وكتابة، ومراجعة. الذكاء الاصطناعي يقدر يختصر وقت كبير في كل مرحلة. بس خلي القاعدة واضحة من الأول: الأفكار والنتايج والكتابة النهائية بتاعتك إنت، وراجع قواعد جامعتك في استخدام الذكاء الاصطناعي.
من الموضوع لسؤال البحث
قول له مجالك والموضوع اللي شاغلك، واطلب يساعدك تضيّقه لسؤال بحث يتعمل في الوقت والإمكانيات اللي معاك.
انسخ الطلب زي ما هو، أو خصّصه بتفاصيلك الأول.
خصّص الطلب على شغلكاختياري: اكتب تفاصيلك والطلب يتظبط لوحده
عرض الطلب كامل
الدراسات السابقة
للبحث عن الدراسات استخدم أدوات بتجيب أوراق حقيقية: Google Scholar، وConsensus، وElicit، والبحث العميق (Deep Research) في Gemini أو ChatGPT. وافتح كل ورقة هتستشهد بيها، واتأكد من العنوان والمؤلفين والسنة.
نظّم المراجع في برنامج زي Zotero، واطلب منه يساعدك في جدول مقارنة: الدراسة، والعينة، والمنهج، والنتيجة.
القراءة والملاحظات
ارفع الأوراق اللي اخترتها في Gemini Notebook، واسأل عليها. الإجابة بيبقى معاها مكان المعلومة في الورقة، فترجع للأصل بسهولة. الطريقة كلها في سلسلة Gemini Notebook.
الكتابة والمراجعة
اكتب إنت المسودة، واستخدمه في: ترتيب الفصول، ومراجعة اللغة، وتوضيح فقرة مش مفهومة، ونقد الحجة: «إيه أضعف نقطة في الفصل ده؟». ولو فيه تحليل إحصائي، اطلب يشرح لك الاختبار المناسب وليه، وإنت اللي تنفّذ وتفهم النتيجة.
ابدأ بسؤال البحث
استخدم الطلب الأول، واختار سؤال واحد، ودوّر عليه في Google Scholar وConsensus. افتح أول 5 أوراق بنفسك.