إزاي تبدأ مع Claude وتستخدمه في شغلك؟

ابدأ بمهمة من شغلك

لو فتحت Claude وكتبت «اعمل لي دليل»، هيطلع لك حاجة مرتبة بس عامة. Claude بيفرق لما تديله شغلك نفسه: ملاحظاتك، ومين هيقرأ، والشكل اللي بتحبه.

هنمشي بمثال: فيه تعليمات بتشرحها كل يوم بنفسك، لمرضاك بعد الكشف، أو لعملائك قبل الخدمة، أو لموظف جديد في أول يوم. عايز منها دليل مرتب من صفحة، وبعدها نسخة تفاعلية تفتح على الموبايل.

افتح Claude ↗ وسجّل دخول.

Chat ولا Cowork؟

هتلاقي وضعين: Chat وCowork.

Chat للكتابة والمراجعة والنقاش، وفيه بتطلع النتيجة جنب المحادثة كمستند أو أداة تقدر تفتحها وتعدّلها.

Cowork لما تسلّمه مهمة فيها خطوات وملفات وتطبيقات: يقرأ ملفات من جهازك أو من Drive، ويجهّز الشغل، ويسلّمك ملفات جاهزة. وإنت متابع خطواته وتقدر توقفه أو توجهه في أي وقت.

المثال بتاعنا يتعمل في Chat. لو بعدين عايز أدلة لكل خدماتك من فولدر على جهازك، ده شغل Cowork.

اديله اللي يفهّمه شغلك

ارفع ملاحظاتك، ولو عندك دليل قديم عاجبك، ارفعه كمرجع للشكل. وقول له مين هيقرأ: خلفيته، وإيه اللي بيتلخبط فيه.

وقول دور كل ملف: «الملاحظات المصدر، والدليل القديم للشكل بس».

دليل من ملاحظاتك

انسخ الطلب زي ما هو، أو خصّصه بتفاصيلك الأول.

خصّص الطلب على شغلكاختياري: اكتب تفاصيلك والطلب يتظبط لوحده

الموضوعمين هيقرأهاللي بيتلخبط فيه

عرض الطلب كامل

مرفق ملاحظاتي عن [الموضوع]، ودي المصدر الوحيد للمحتوى. اللي هيقرأ الدليل [مين هيقرأه]، وغالبا بيتلخبط في [اللي بيتلخبط فيه]. جهّز دليل من صفحة واحدة بكلام بسيط: خطوات مرقمة، وتنبيهات واضحة، وسؤالين أو تلاتة بيتسألوا كتير بإجاباتهم. ما تضيفش معلومة مش في ملاحظاتي. لو حاجة مش واضحة، اسألني قبل ما تكتب.

خلّي النتيجة حاجة تستخدمها

لما Claude يجهّز مستند أو أداة، بتتفتح جنب المحادثة. ده اسمه Artifact: تقرأه، وتعدّله، وتنزّله، أو تشاركه برابط.

بعد ما توافق على الدليل، اطلب نسخة تفاعلية تجربها قبل ما تبعتها.

حوّل الدليل لصفحة تفاعلية

ده مثال جاهز. انسخه زي ما هو، أو عدّل النص على شغلك.

عرض الطلب كامل

حوّل الدليل اللي اتفقنا عليه لصفحة تفتح على الموبايل. كل خطوة في كارت، واللي بيقرأ يعلّم عليها لما يخلصها، والأسئلة الشائعة تتفتح بضغطة. الكلام عربي من اليمين للشمال، والخط مقروء على الموبايل. وقبل ما تسلّم، جرّب كل زرار.

افتحها على موبايلك وجرّب كل زرار. لو فيه حاجة مش مظبوطة، قول له مكانها بالظبط.

لو هتشتغل معاه على طول

Projects: مشروع لكل شغل أو عميل، فيه ملفاتك وتعليماتك. أي محادثة جوه المشروع بتبدأ وهي عارفة شغلك.
Skills: طريقة شغل نجحت، زي طريقتك في كتابة الأدلة، تتحفظ وترجع لها في أي محادثة. التفاصيل في شرح المشاريع والمهارات.
Connectors: تربط Claude بـGmail أو Drive أو التقويم عشان يجيب المعلومات من مكانها. شوف شرح ربط التطبيقات.

ولو عايز تبني أداة أو موقع أكبر بملفات وكود، فيه Claude Code. ابدأ بـشرح بناء المواقع والتطبيقات الأول.

جرّب دلوقتي

جرّب على شغلك

دليل ونسخة تفاعلية

اختار تعليمات بتكررها كتير، واستخدم الطلب اللي فوق. راجع الدليل، وبعدها حوّله لصفحة تفاعلية وجرّبها على موبايلك قبل ما تبعتها.