هي إيه؟
ChatGPT من OpenAI، وأشهر مساعد ذكاء اصطناعي. بتكلمه بالكتابة أو بالصوت، وترفع له ملفات وصور، ويبحث على الإنترنت، ويعمل صور وملفات وعروض. وفيه وضعين: Chat للكلام والتفكير، وWork لما تسلّمه مهمة ليها ناتج زي ملف أو شيت أو موقع.
مين بيستخدمها؟
- دكتور أو موظف بيلخّص ملفات طويلة ويكتب تقارير.
- طالب بيذاكر ويفهم محاضرة صعبة.
- صاحب مشروع بيكتب محتوى وردود ويحلل أرقام.
تستخدمها في إيه؟
| الاستخدام | هتطلع بإيه |
|---|---|
| امتحان من ملف درس | ترفع الدرس وتطلع بامتحان بنموذج إجابة في ملف Word. |
| شرح بمستواك | تفهم فكرة صعبة بمثال من حياتك. |
| تحليل شيت | ترفع الشيت وتطلع بملخص ورسم بياني. |
| محادثة صوتية | تتدرب على لغة أو مقابلة شغل بصوتك. |
| بحث عميق | تقرير منظم من مصادر كتير بروابطها. |
أهم المزايا
- وضع Work لتنفيذ مهام متعددة الخطوات.
- Deep Research للبحث الطويل بالمصادر.
- إنشاء وتعديل الصور.
- Projects لتنظيم شغلك، ومهارات (Skills) لطريقة شغلك.
- ربط مع Gmail وDrive وتطبيقات تانية.
- مهام مجدولة، ومحادثة صوتية.
الخطط والأسعار
فيه خطة مجانية، وخطط مدفوعة (Go وPlus وPro) بتزود عدد الرسايل والنماذج الأقوى ووضع Work، وخطط للفرق والمؤسسات.
الأسعار والحدود بتتغير كتير، فمش بنكتبها هنا. افتح صفحة الخطط الرسمية وشوف المتاح دلوقتي.
شوف الخطط والأسعار الحالية ↗تبدأ إزاي
- افتح chatgpt.com أو نزّل التطبيق، وسجّل دخول.
- ابدأ بمهمة حقيقية من شغلك، وارفع الملف اللي هتشتغل عليه.
- قول له الجمهور وشكل النتيجة، واطلب منه يسألك لو حاجة ناقصة.
- افتح الناتج وراجعه، واطلب تعديل محدد.
حدودها وبدايلها
- ممكن يكتب معلومة غلط بثقة، فراجع أي معلومة مهمة.
- المزايا وعدد الاستخدامات بيختلفوا حسب الخطة.
- لو شغلك كله على مصادر محددة وعايز تشوف مكان كل معلومة، Gemini Notebook أنسب.
بدايل تقدر تقارن بيها
شروحات تساعدك تستخدمها
من سؤال ومسودة لمهمة فيها ملفات وخطوات. اعرف إمتى تستخدم Chat أو Work، وإزاي تجهّز المطلوب وتراجع النتيجة.
←شرح مكتوبإزاي تكلّم الذكاء الاصطناعي عشان يطلّع اللي في دماغكاتعلم تشرح طلبك بالمعلومات اللي تفرق، وتشوف مثال قبل وبعد، وتعرف تعمل إيه لو الرد طلع عام.
←شرح ومقارنةإزاي تخلّي الذكاء الاصطناعي ينفّذ مهمة بدل ما يشرحها بس؟اعرف تسلّم مهمة لوضع Work أو Task أو Cowork، وتتابعها وهي بتتنفّذ، وتراجع الملف اللي اتسلّم.
←أسئلة شائعة
ChatGPT مجاني؟
أيوه، فيه خطة مجانية تكفي لتجربة أغلب الاستخدامات، والخطط المدفوعة بتزود الحدود والمزايا.
أعمل إيه لو الرد طلع عام؟
اديله سياق أكتر: إنت مين، والكلام لمين، والنتيجة شكلها إيه. شوف شرح إزاي تكلّم الذكاء الاصطناعي.
ينفع أرفع ملفات PDF وWord؟
أيوه، من علامة (+) جنب خانة الكتابة.